#priyarai #priyarairunner
पोखरा । शनिवार पोखरामा सम्पन्न भएको छैटौं पन्चासे ट्रेल रेसको उपाधी खोटाङ की प्रिया राईले जितेकी छिन् ।
५५ किलोमिटर अल्ट्रा म्याराथन धाविका प्रियाले ७ घन्टा २५ मिनेटमा सकाएकी थिईन् । उनले अघिल्लो रेसमा प्रथम हुने खेलाडी भन्दा १ घन्टा अगाडि रेस पुरा गर्दै विजय हासिल गरेकी हुन् ।
यस अघि भर्खरै मात्र प्रियाले थाईल्यान्डमा नेपाललाई उपविजेता बनाउन सफल भएकी थिइन् भने थाईलान्ड्मा रेस खेले सँगै प्रिया धेरै विदेशीहरुको नजरमा पुगेकी सकेकी छन् । साथै विभिन्न कम्पनीहरुले सोधखोज समेत गरेको बताउछिन् । उनले पुनः एउटा कम्पनीमा “सिग्नेचर” गरिसकेकी छिन् भने सम्भवत खोटाङकै पहिलो अल्ट्रा धाविकाको रूपमा परिचय दिन सफल भइसकेकी छ्न् ।
त्यस्तै प्रियाले नेपालमै आयोजना भएका विभिन्न चर्चित रेसहरुको पनि उपाधी जितेर पटक पटक चर्चामा आइसकेकी छिन्। भर्खर २२ बर्ष मात्रै पुगेकी प्रियाको खेल जिवन अझै धेरै उज्ज्वल रहेको देखिन्छ। शनिवार पोखरामा आयोजित उक्त रेस प्रतियोगितामा प्रथम भए सँगै प्रियाले नगद, प्रमाणपत्र र मेडल प्राप्त गरेकिछिन् ।
