पाँचथर श्रावण २७
पाँचथरको फिदिम नगरपालिका ११ मा स्कुटर दुर्घटनामा परी ६५ वर्षीया महिलाको मृत्यु भएको छ । मृत्यु हुनेमा फिदिम १ निवासी ६५ वर्षीया मायादेवी कार्की रहेका छन्। स्कुटर चालक मायादेवीका श्रीमान हेमकर्ण कार्की घाइते भएका छन् ।
जिल्ला प्रहरी कार्यालय पाँचथरका अनुसार हेमकर्ण कार्कीले चलाएको प्रदेश ०१–०३–००१ प ५२७१ नम्बरको स्कुटर शनिबार नाँगीन देखि फिदिम आउने क्रममा फिदिम ११ अम्बके भीरमा अनियन्त्रित भएर स्कुटर दुर्घटनामा परेको थियो ।
दुर्घटना भएको स्कुटर सडकदेखि ७० मिटर तल खसेकाे छ। माया देवीलाई पाँचथर अस्पतालमा उपचार गराउन ल्याइ पुर्याउँदा चिकित्सकले मृत घोषणा गरेका थिए ।
घाइते कार्कीको पाँचथर अस्पतालमा उपचार भइरहेको जिल्ला प्रहरी कार्यालय पाँचथरका सूचना अधिकारी प्रहरी निरीक्षक मिलन थापाले जानकारी दिए ।
अजेन्द्र वाईबा तामाङ
