काठमाडौं । काठमाडौं महानगर वडा नम्बर १६ का वार्ड अध्यक्ष मुकुन्द रिजालको निधन भएको छ । बिहीबार बिहान ग्राण्डी अस्पतालमा उपचारका क्रममा उनको निधन भएको हो । उनी पछिल्लो समयमा विभिन्न सामाजिक सन्जालमा बाकुलो उपस्थितका कारण पनि चर्चित थिए ।
डेंगु संक्रमणपछि ग्राण्डी अस्पतालमा उपचारको क्रममा निधन भएको स्रोतले बताएको छ । रिजाल गत स्थानीय तह निर्वाचनमा कांग्रेसबाट निर्वाचित भएका थिए । उनी नेपाली कांग्रेस काठमाडौं – ७ का क्षेत्रीय सभापति हुन् ।
