धरान दिवसको अवसरमा पाँच दिने ‘धरान उत्सव’ आयोजना हुने भएको छ ।
धरान उपमहानगरपालिकाका प्रमुख हर्कराज राई (हर्क साम्पाङ) ले सोमबार सुचना जारी गरेर पुस २० देखि २४ सम्म आयोजना हुने उत्सवमा सहभागी बन्न नगरवासीहरुमा आग्रह गरेका छन् । उत्सवमा लागी उपमहानगरपालिकाले पुस १९ गते हिमालय पेट्रोल पम्पदेखि तीनकुनेसम्म सरसफाई गर्ने भएको छ ।
पुस २० गते धरान–१२ स्थित पब्लिक हाईस्कुलको खेल मैदानमा उत्सवको उद्घाटन गर्ने कार्यक्रम छ । पुस २१ गते साईक्लिङ र साहित्य सम्मान कार्यक्रम, २२ गते विद्यालय स्तरीय खेलकुद प्रतियोगीता, लोकदोहोरी कार्यक्रम र वाकाथुन कार्यक्रम रहने छन् भने २३ गते श्रमदाता ¥याली र झाँकी प्रदर्शन, तथा २४ गते रस्सीतान प्रतियोगीता, लगानी गोष्ठी आयोजना गरेर उत्सवको समापन गरिने जनाइएको छ ।
कार्यक्रम अवधीभर एम्बुलेन्स सहित स्वास्थ्य सेवा, पोषण परामर्श, आयुर्वेद तथा वैकल्पिक चिकित्सा पद्धतीको प्रचारका साथै मनोरन्जनात्म नृत्य तथा सांस्कृतिक कार्यक्रम र बाल मनोरञ्जनका खेलहरु आयोजना गरिने बताइएको छ ।
