काठमाडौं । वरिष्ठ गायक तथा संगीतकार भक्तराज आचार्यको निधन भएको छ । सोमबार अपरान्ह ललितपुरको मेडिसिटी अस्पताल लैजाने क्रममा उनको बाटोमै निधन भएको हो।
भजन शिरोमणिको उपाधिबाट प्रसिद्ध ८२ वर्षीय आचार्यलाई आज दिउँसो करिब ४ बजे तिर अक्सिजन लेभल कम भएपछि परिवारले मेडिसिटी अस्पताल लैजाँदा गर्दा बाटोमै निधन भएको हो ।
उनको पार्थिव शरीरलाई मंगलबार बिहान ९ बजे संगीत तथा नाट्य प्रज्ञा प्रतिष्ठानको परिसरमा अन्तिम श्रद्धाञ्जलीका लागि राखिने भएको छ । साथै राष्ट्रिय सम्मानका साथ उनको बिदाइ गर्ने तयारी समेत गरिएको छ ।
