पाचौ मिस्टर भिजन शारिरिक सुगठनको सम्पुर्ण तयारी पुरा

धरान, भिजन फिटनेसको आयोजनामा यहि फागुन १९ गते शनिवार हुन लागेको धरान उपमहानगर स्तरीय पाचौ मि. भिजन शारिरिक सुगठन प्रतियोगिताको तयारी पुरा भएको छ ।
प्रतियोगतामा धरान उपमहानगरपालिका भरीका फिटनेस सेन्टरवाट १८ जना खेलाडिहरुले प्रतिस्पर्धा गर्ने भएको छ । ५५ केजिमा ५ जना , ६० केजिमा ५, ७० केजिमा ४ र ७५ केजि तौल समुहमा ४ जना खेलाडीहरुले प्रतिस्पर्धा गर्न लागेका हुन ।

प्रतियोगिताका विजेता खेलाडीले नगद रु. ५० हजार, ट्रफी मेडल र प्रमाणपत्र प्राप्त गर्नेछ । भने दोस्रो, तेस्रो र चौथो हुनेले नगद रु. २५ हजार, १५ हजार, १० हजार, मेडल र प्रमाणपत्र प्राप्त गर्नेछ । यसैगरी व्यक्तिगन उपाधि तर्फ वेस्ट पोजर, वेस्ट इम्प्रुभमेन्ट, वेस्ट मस्कुलर र वेस्ट टिम उपाधि विजेताले जनहि नगद रु.५ हजार, ट्रफि र प्रमाणपत्र प्राप्त गर्नेछ ।
यस अघिको मि. भिजन प्रतियोगितामा भिजन फिटनेसका खेलाडिहरुले मात्र प्रतिस्पर्धामा भाग लिन पाउथ्यो । पाचौमा भने धरान उपमहानगरपालिक भरीका खेलाडीहरुले प्रतिस्पर्धा गर्न पाउनेछ । प्रतियोगितामा पुर्व विजेताहरुले सहभागिता हुन नपाउने भएका छन । प्रतियोगिता धरान १३ स्थित बेन्क्वीट पार्टी प्यालेसको हलमा हुनेछ ।