ठुलो परिणाममा प्रतिबन्धित औषधी सहित एक ब्यक्ति पक्राउ

सोमवार दिउँसो २ः३० बजेको समयमा अर्जुनधारा नगरपालिका वडा नम्बर ११ नयाँ बसपार्कस्थित पुरानो माउण्ट मेची होटल एण्ड लजमा प्रतिबन्धित औषधीहरु बिक्री बितरण भै रहेको भन्ने गोप्य सूचनाको आधारमा ईलाका प्रहरी कार्यलय बिर्तामोड र प्रहरी पोष्ट बसपार्कबाट खटिएका टोलीले छापा मारेको थियो ।

उक्त होटलमा पुगी चेकजाँच गर्दा होटलको काउन्टरमा विभिन्न प्रतिबन्धित औषधीहरु ठूलो मात्रामा फेला परेको थियो ।

पक्राउ पर्नेमा जिल्ला मोरङ मिक्लाजुङ गाउँपालिका वडा नं १ का २२ बर्षको सगुन राई हुन्। राईलाई नियन्त्रण मा लिई इलाका प्रहरी कार्यालय अनारमनीमा अनुसन्धान का लागी राखिएकोछ।