इटहरीमा दुर्घटना हुदा एक जनाको मृत्यु

सुनसरी राजमार्ग इटहरी खनार सड्क खण्डमा दुर्घटना हुदा एक जनाको मृत्यू भएको छ ।
आज दिउसो ४ः३० बजे काकडभिट्टाबाट विराटनगर तर्फ आउँदै गरेको प्रदेश १०१.००१ ख ४५७४ नम्बरको नागरिक यातायात बसले सोही दिसाबाट आउँदै गरेको साइकलमा महिलाको मृत्यु भएकोे जिल्ला प्रहरी कार्यलय सुनसरीका प्रहरी उपरीक्षक सुमन कुमार तिमल्सिनाले जानकारी दिए ।
मृत्यु हुनेमा इटहरी स्थित जनता माध्यमिक विद्यालयको कक्षा ९ मा अध्ययनरत सवार सम्झना यादव भनेर पहिचान खुलेकोे प्रहरीले जनाएको छ । बसले ठक्कर दिदा घटना स्थलमै मृत्यु भएको उपरीक्षक तिमल्सिनाले बताए ।
उक्त साइकलमा सवार यादवलाई ठक्कर दिएर भाग्न खोजेको बसलाई स्थानीयले खनार चौकमा नियन्त्रण लिएर आगजनी गरेका छन् । सोही क्रममा भिड नियन्त्रण गर्ने खोज्दा एक जना प्रहरी समेत घाइते भएका छन् । लासलाई भखर घटना स्थलबाट उठाइएको छ भने बस चालक इलाका प्रहरी कार्यलय इटहरीको नियन्त्रणमा रहेको छ । बाकी अनुसन्धान सुरु भएको छ घटनाको थप बाकी विवरण आउन बाकी रहेको प्रहरीले जनाएको छ ।