अजेन्द्र वाईबा तामाङ
मंसिर ८, पाँचथर । फिदिम खानेपानी तथा सरसफाइ उपभोक्ता समितिले गत तिहारमा खेलेको देउसी भैलो बाट संकलन भएको रकम मध्ये १० लाख २४ हजार ८ सय ६५ रुपैयाँको पाइप खरिद गरेको छ ।
फिदिम खानेपानी योजनाको आप्तेवा खाेला देखि आउने मुहान गत असाेजमा आएको पहिराेले विभिन्न ठाँउमा पाइपलाईन बगाएको थियो भने पुनर्निर्माण गर्न बजेट समेत अभाव भएपछि सस्थाले गत तिहारमा देउसि भैलोको आयोजना गरेको थियोे ।
उक्त देउसी भैलो बाट जम्मा ११ लाख ६२ हजार रकम संकलन भइ उक्त रकम मध्ये बाट खर्च कटाएर बाकी रकमले १६० एम एम पिएन १६ केजि प्रेसर भएको ४ सय ७४ मिटर एच डि पि पाईप खरिद गर्ने योजना अनुरुप पाइप खरिगरिएको फिदिम खानेपानीको अध्यक्ष प्रकाश गुरुङले जानकारी दिए ।
साथै पाइप लगायत अन्य सामाग्री समेत उपलब्ध भइसकेकोले अब धमाधम पुनर्निर्माण कार्य अघि बढाइने र फिदिम बासिलाई खानेपानीको पुर्ण सहज गरिने पनि अध्यक्ष गुरुङले बताए ।
