जसपा १ नं. प्रदेश समितिको बैठक दिक्तेलमा सुरु

दिक्तेल, पौष २७ । जनता समाजवादी पार्टी (जसपा) १ नं. प्रदेश समितिको दोस्रो पुर्ण बैठक खोटाङको दिक्तेलमा सुरु भएको छ ।

पार्टीका केन्द्रिय अध्यक्ष आशोक राईको उपस्तिथिमा दिक्तेल स्थित् शुभम् फाउन्डेसनको सभाहलमा शनिबार बिहान ९ बजे देखि बैठक सुरु भएको प्रदेश सचीव राम माण्डुपा राईले बताए ।

बैठकमा राजनीतिक तथा सांगठानिक प्रतिवेदन माथी व्यपक छलफल गरीने, संगठन बिस्तार, साथै भावी कार्ययोजना तथा आर्थिक व्यावस्थापनको नीति तर्जुमा गरिने भएको छ।

त्यस्तै बैठकलाई केन्द्रीय अधयक्ष बाट वर्तमान पार्टी संगठन बारे साथै समसामयिक राष्ट्रिय तथा अन्तर्राष्ट्रिय राजनीतिक परिस्थिति र पार्टीको आगामी रणनीति बारे प्रशिक्षण समेत दिने कार्यक्रम रहेको राईले बताए ।