शरणामति झापा , माघ १०। अशोक राई नेतृत्वको जनता समाजवादी पार्टी (जसपा) झापाको झापा गाउँ कमिटी पुनर्गठन भएको छ । बिहीबार शरणामति बजार स्थित वार्ड नं. ६ को कार्यालय सभाहालमा आयोजित भेलाबाट हर्कराज खालिङ राईको अध्यक्षतामा १५ सदस्यीय कमिटी पुनर्गठन भएको हो ।
पुनर्गठित समितिको उपाध्यक्षमा पुर्ण बहादुर लिम्बु, सचीवमा चन्द्र गणेश, सह-सचीवमा प्रकाश राई र कोष अध्यक्षमा प्रमिला गणेश चयन भएका छन् । त्यस्तै सदस्यहरुमा क्रमश: रमिता यादव, जित बहादुर राजवन्शी, पवनलाल कोच, राजकुमार गुरुङ, बैजनाथ गिरि लगायत १५ सदस्यीय समिति निर्माण भएको, जिल्ला कमिटीका उपाध्यक्ष सन्तोष गणेशले बताए ।
त्यस्तै कार्यक्रम मार्फत पार्टीको भातृ संगठन समाजवादी महिला संघ झापा गाउँ समितिको संयोजक प्रमिला गणेशलाई तोकिएको पनि उपाध्यक्ष गणेशले जानकारी दिए ।
पार्टीका केन्द्रिय सदस्य कृष्ण उदासको प्रमुख आतिथ्यमा सप्पन्न कार्यक्रममा प्रदेश सल्लाहकार भारत श्रेष्ठ, झापा जिल्ला अध्यक्ष समर कुमार राई लगायत अन्य नेताहरुको उपस्तिथि रहेको थियो ।
