साबिक बिजेता एनआरटी क्लब काठमाडौको बुढासुब्बा गोल्डकपको सेमिफाइनलमा प्रबेश

धरान सुनसरी : २५औँ अन्तराष्ट्रिय आमन्त्रण बुढासुब्बा गोल्डकप फुटबल प्रतियोगितामा केएफसिटि झापालाई ३-१ गोल अन्तरले हराउदै साबिक बिजेता एनआरटी क्लब काठमाडौ सेमिफाइनलमा प्रवेश गरेको छ ।
आज भएको रंगशालामा भएको केएफसिटि झापा र एनआरटी क्लब काठमाडौबिच भएको खेलमा ४८औँ मिनेटमा एनआरटीका शिशिर लेखीले गोल गर्दै अग्रता दिलाएका थिए ।उनले खेलाडी रोबर्ट कोबिनाको पासमा गोल गर्न सफल भएका थिए ।
खेलको ६०औँ मिनेटमा सरोज घिसिङ र ८०औँ मिनेटमा रोहन खड्गीले गोल गर्दै एनआरटीका लागि सहज जित निकालेका थिए ।६२औँ मिनेटमा केएफसिटि झापाका खेलाडी रोबेर्ट खोङजोले सात्वना गोल फर्काउन सफल भएका थिए ।
आजको खेलको म्यान अफ दि म्याच एनआरटीका शिशिर लेखी घोषित भए। उनले ट्रफि र नगद रु.१० हजार प्राप्त गरेका छ्न । भोलि बुधबार आरटिसी भुटान र चर्च ब्याइज युनाइटेडबिच हुने छ ।
यही माघ २६ सम्म हुने प्रतियोगिताका विजेताले ट्रफीसहित रु.१० लाख र उपविजेताले नगद रु.पाँच लाख पुरस्कार पाउनेछन् । उत्कृष्ट खेलाडीले नगद रु एक लाख र प्रत्येक खेलको प्लेयर अफ दी म्याच हुनेले रु १५ हजार, सर्वाधिक गोलकर्ताले रु ३५ हजार, उत्कृष्ट गोलरक्षक, उत्कृष्ट डिफेन्डर, उत्कृष्ट मिडफिल्डर, उत्कृष्ट स्ट्राइकर, उत्कृष्ट प्रशिक्षकले जनही रु २५ हजार पुरस्कार पाउने आयोजकले जनाएको छ ।