चौथो यले दोङ बास्केटवल प्रतियोगितामा ३० टिम सहभागि

धरान :   किरात नया वर्ष यले दोङ ५०८५ ( यलम्वर संवत ) को अवसरमा आयोजित चौथो यले दोङ ओपन महिला पुरुष थ्री वाई थ्री बास्केटवल प्रतियोगितामा ३० टिमले सहभागिता जनाउने भएको छ ।
धरान बास्केटवल संघको आयोजना, धरान उपमहानगरपालिकाको संयोजन तथा किरात राई यायोक्खाको सहयोगमा माघ २८ गते शुक्रवार आयोजना हुने एक दिने प्रतियोगितामा महिला ७ टिम र पुरुष २३ टिमले सहभागिता जनाएको छ ।

प्रतियोगितामा धरान, तरहरा, मोरङ, झापा लगायत जिल्ला तथा धरान आसपास क्षेत्रका बास्केटवल टिमले सहभागिता जनाएको छ ।  प्रतियोगिताको खेल तालिका सहभागि टिमको उपस्थित प्रतिनिधिहरुको उपस्थितिमा आइतवार किरात राई यायोक्खा सुनसरीको सभाहलमा तयार पारिएको छ ।
उद्धघाटन खेल झुनाज फिटनेस र शप्तरङ्गि बास्केटवल टिम ए विच हुनेछ ।  प्रतियोगिताका विजेताले पुरुष तर्फ नगद तिस हजार, ट्रफि, मेडल र प्रमाणपत्र प्राप्त गर्नेछ । उपविजेताले नगद रु. १५ हजार, ट्रफि, मेडल र प्रमाणपत्र प्राप्त गर्नेछन ।
यसै गरि महिला तर्फका विजेताले नगद २० हजार र उपविजेताले नगद १० हजार, ट्रफि, मेडल र प्रमाणपत्र प्राप्त गर्नेछ ।  प्रतियोगिताका महिला पुरुष उत्कृष्ट खेलाडि मोस्ट भ्यालुएवल प्लेयर उपाधि विजेताले जनहि नगद २ हजार ५ सय सहित ट्रफि र प्रमाणपत्र प्राप्त गर्नेछ ।

    किरातिहरुले माघ १ गते देखि यलम्वर संवतको रुपमा नया वर्ष मान्दै आइरहेको छ । यहि माघ १ गते देखि यलम्वर संवतलाई मान्दै किरात राई यायोक्खाले देशभर यले दोङ यले संवत ५०८५ भव्य रुपमा मनाएका छन । व किराति नया वर्षलाई भव्य रुपमा मनाउने क्रममा किरात राई यायोक्खा सुनसरीको सहकार्यमा धरान बास्केटवल संघको आयोजना, धरान उपमहानगरपालिकाको संयोजन तथा सुनसरी बास्केटवल संघको प्राविधिक सहयोगमा धरान भानुचौकको खुल्ला स्थानमा एक दिने बास्केटवल प्रतियोगिता आयोजना हुन लागेको हो ।
     गत वर्षका उपाधि पुरुष तर्फ ब्रर्दस क्लव र महिला तर्फ धरान मेघा हिमालयन कलेजले चुमेका थिए ।