झापामा प्रहरी मृत अवस्थामा भेटिए

४ फागुन ।
झापामा नेपाल प्रहरी नायब निरीक्षक (सई) मृत भेटिएका छन् । भोजपुर टेम्केमैयुङ गाउँपालिका घर भइ हाल जिल्ला मोरङ कानेपोखरी गाउँपालिका-७ बस्दै आएका ४९ वर्षीय सई धनराज खतिवडा मृत फेला परेको छ ।

जिल्ला प्रहरी कार्यालय झापाको तीन तले ब्यारेकको माथिल्लो तलामा उनी मृत फेला परेको निमित्त सूचना अधिकारी विजय चौहानले जानकारी दिए ।

उनका अनुसार माथिल्लो तलाको पानी ट्यांकी जाने फलामको भर्‍याङमा खतिवडा झुन्डिएको अवस्थामा फेला परेका हुन् । घटना आज बिहानको हो । घटनाबारे परिवारलाई जानकारी दिइसकिएको चौहानले बताए ।

घटनाको सम्बन्धमा अनुसन्धान कार्य जारी रहेको र मृतकका आफन्तलाई जानकारी गराएर कानुनी प्रक्रिया अघि बढाएको प्रहरी निरीक्षक चौहानले दृश्य अनलाईनलाई बताए ।