चैत्र १२ गते झापामा विप्लव माओवादीको विशाल जनसभा हुने

झापा । नेकपा महासचिव बिप्लव सीको उपस्थितिमा झापाको बिर्तामोडमा विशाल जनसभा हुने भएको छ ।

नेकपाले तय गरेको मेची महाकाली मार्चपास अभियानको उद्घाटन  स्वरुप कार्यक्रम हुने जनाइएको छ ।

कार्यक्रमबारे नेकपा झापाका इन्चार्ज सुमनसिंहले आफ्नो फेसबुक वालमा लेखेका छन् –

अब झापाले देशको आगामी दिशा बारे बोल्ने छ |

चैत्र ३, ४, ५ र ६ गते साथै १२ गते ‘बिप्लव’ झापा आंउदै |
१२ गते हुनेछ झापामा विशाल जनसभा र हुनेछ मेची महाकाली अभियानको उद्घाटन |
५००० जनता सहित बिप्लवले उद्घाटन गर्ने अभियानले यो देशलाई अग्रगमनको निम्ति अपिल गर्नेछ । अग्रगामीहरुको सहकार्य सहित हामी अगाडि बढ्नेछौं |

पुर्बी गर्जनलाई नेकपाले दिएको जानकारी अनुसार सोही कार्यक्रमलाई सफल पार्न यसको तयारी स्वरुप बिर्तामोड स्थित पार्टी कार्यालयमा बैठक बसिरहेको छ । महासचिब बिप्लब उक्त कार्यक्रम अगाडि ३ , ४ , ५ , ६ गते पनि झापा आउने तयारी भएको छ । बिप्लवले झापाका बामपन्थी, ब्यवशायी, र जनता संग छलफल अन्तर्कृया समेत गर्ने योजना रहेको छ । जानकारी अनुसार झापाबाट ५०० भन्दा धेरै लाई पार्टी प्रबेश गराउने तयारी समेत रहेको जानकारी प्राप्त भएको छ ।