धरान । सडक दुर्घटनामा स्पाइनलकर्ड इन्ज्युरी भई दश वर्षदेखि थलिएका मजदुर पुण्य प्याकुरेललाई कतारमा कार्यरत यातायात मजदुर सुशील पोखरेलले दश हजार सहयोग गरेको छ ।
नेपाल यातायात स्वतन्त्र मजदुर संगठनका केन्द्रीय अध्यक्ष भीमज्वाला राई सहित बिहिबार पुण्य प्याकुरेलको निवासमै पुगेर पोखरेलले सहयोग हस्तान्तरण गरिएको हो ।
संगठनका सदस्य समेत रहेका सुशील पोखरेल धरान १५ का स्थायी बासिन्दा हुन । हाल उनी कतारको अवेन्सल लाइटिङ्ग कम्पनीमा लाइटिङ्ग विशेषज्ञका रुपमा कार्यरत छ्न ।
घर आएका समय संगठनका अध्यक्ष भीमज्वाला राईको आग्रहमा पीडित मजदुरलाई सहयोग गरिएको पोखरेलले बताए । उनले भने आफुपनि यातायात मजदुर नै भएकाले पुण्य प्याकुरेलको अववस्था देखेर सहयोग गरेको बताए ।
पहिले पनि सहयोग गरेको थिएँ फेरी पनि सहयोग गर्छु उनले भने ।
साथमा नेपाल पत्रकार महासंघ सुनसरी अध्यक्ष सन्तोष काफ्ले र प्रेस चौतारी नेपाल सुनसरी अध्यक्ष विकास चाम्लिङ र नेपाल यातायात स्वतन्त्र मजदुर संगठन धरानका अध्यक्ष किरण थापा सहभागी थिए ।
२०७२ साल असार १५ गते सडक दुर्घटनामा परेका पुण्य प्याकुरेलको स्पाइनलकर्ड इन्ज्युरी भएपछि सोही समयदेखि हालसम्म ओछ्यान परेकाछन् । छोरा, छोरी र श्रीमती सहित अरुको घरमा भाडामा बस्दै आएका प्याकुरेल परिवारका लागि संगठनका अध्यक्ष भीमज्वाला राईकै पहल तथा सञ्चारकर्मी लगायत विभिन्न सहयोगदाताहरुको सहयोगमा २०७५ सालमा घर निर्माण गरेर स्थापीत गरिएको भएपनि उनको परिवार चलाउन तथा छोराछोरीको शिक्षाका सहयोग जुटाएरै जीवन धान्दै आइरहेको छ ।
