बिर्तामोड । नेकपा (माओवादी केन्द्र) बिर्तामोड नगर कमिटिको दोस्रो अधिवेशन सम्पन्न भएको छ । सोमबार बिर्तामाेड स्थित गाैरिशङ्कर स्मृति प्रतिष्ठानको सभाहलमा सम्पन्न अधिवेशनले माेहन सुब्बाकाे अध्यक्षतामा ४५ सदस्यीय नयाँ नगर समिति चयन गरेको हो ।
सर्वसम्मत रूपमा गठन भएकाे कमिटीकाे उपाध्यक्षमा रन्जन धमला, हाइ कुमार राई ‘प्रकाश’ र शुसिला पाण्डे चयन भएका छन् त्यस्तै सचिवमा जगन्नाथ भट्टराई, सह-सचिवमा भगवती मेचे र कोषाध्यक्षमा प्रज्वल कडरिया चयन भएका छन् ।
कार्यक्रममा पार्टीका केन्द्रीय सदस्य तथा प्रदेश सह-इन्चार्ज अजम्बर काङमाङ राईको प्रमुख आतिथ्य, पार्टीका केन्द्रीय सदस्य तथा पूर्व मन्त्री तथा प्रदेश सह-ईन्चार्ज धर्मशिला चापागाई, पार्टी जिल्ला सह-ईन्चार्ज राेशन कन्दङवा, बाेधराज दहाल साथै पार्टीका प्रदेश नेताहरू भुपाल सापकाेटा, कल्पना कार्की, खड्ग तिम्सिना, प्रदेश सांसद अनिसा झाँगड लगायत करिब दुईदर्जन नेता सहित सहभागी प्रतिनिधि तथा पर्यवेक्षककाे उपस्थितिमा नगर अधिवेशन सम्पन्न भएकाे थियो ।
कार्यक्रममा बाेल्दै प्रमुख अतिथि अजम्वर काम्वाङ्ले झापाकै राजनीतिक केन्द्रकाे रूपमा रहेकाे बिर्तामोड नगरले नयाँ भिजन दृष्टिकोण सहित आफुलाई उदाहरणीय र नमुना नगरकाे रूपमा चिनाउन सक्ने गरि संगठन निर्माण र परिचालन हुनु पर्ने भन्दै आउदाे चुनाव सम्ममा नगरका बहुमत वडा सहित सिंगाे नगरमा विजयी हुने हिसाबले काम गर्नु पर्ने सुझाव दिएका छन् ।
त्यसैगरी माओवादी नेतृ पुर्वमन्त्री धर्मशिला चापागाईले कार्यक्रममा बाेल्दै पार्टीको अधिबेशनकाे महत्त्वलाई सबै कार्यकर्ताले महत्वकासाथ बुझ्नु पर्ने भन्दै पार्टीको कार्यदिशा र विचारलाई बुझ्दै पार्टी निर्माणमा लाग्नु पर्ने भन्दै जिल्ला देखि पालिका र वडा सम्मका हरेक नेता कार्यकर्ता राजनीतिक रूपमा प्रचण्ड जतिकै जिम्मेवार बन्नु पर्ने र पार्टी निर्माणकालागि सबै प्रचण्ड बन्नु पर्ने बताईन् ।
