कोशी प्रदेश प्रिमियर लिगको आयव्यय सार्वजनिक ६ लाख बढी नाफा

धरान ः प्रदेश स्तरीय फुटबल प्रतियोगिता कोशी प्रदेश प्रिमियर लिगको आयव्यय सार्वजनिक गरिएको छ ।
धरानको एन्फा एकेडेमिमा पत्रकार सम्मेलनको आयोजना गर्दै प्रदेश फुटबल संघका कोषाध्यक्ष आनन्द चौधरीले लिगको आयव्यय सार्वजनिक गरेका हुन ।
आय तर्फ रु.३६ लाख ६७ हजारमध्ये कुल खर्च रुं२९ लाख ८ हजार खर्च भएर रु.६ लाख ९० हजार नाफा भएको कोषाध्यक्ष चौधरीले बताए ।
चौधरीका अनुसार कुल आयमा कोशी प्रदेश सरकारबाट रु.२० लाख प्राप्त भएको थियो । अखिल नेपाल फुटबल संघ (एन्फा)बाट रु.१५ लाख रुपैयाँ मध्ये रु.२ लाख बाँकी रहेको छ ।
यसै गरी गोर्खा ब्रुअरीबाट रु.५० हजार, रेडबुलबाट रु.५० हजार, धरानका पूर्व खेलाडीहरूबाट रु.३७ हजार र अन्य दाताहरूबाट रुं३० हजार सहित कुल आय ३६ लाख ६७ हजार रुपैयाँ रहेको उनले बताए ।
कुल व्ययमा नगद पुरस्कार रु.७ लाख ६५ हजार, पहाडी जिल्लाका क्लबहरूलाई तयारी खर्चमा थप सेवा रकम रुं४ लाख २० हजार, तराईका जिल्लाहरूलाई विशेष तयारी खर्च रु.२ लाख, रेफ्रि म्याच कमिस्नर रु.३ लाख ५० हजार, आयोजक समिति÷उपसमितिहरूलाई खान, बस्न रु.२ लाख खर्च भएको छ ।
यसैगरी प्रत्यक्ष प्रसारण, विज्ञापन मिडिया खर्च रु.१ लाख ५० हजार, फ्लाक्स बोर्ड रु.१ लाख ५० हजार, कप, मेडल, प्रमाणपत्र रु.१ लाख ५० हजार, उद्घाटन÷समापन समारोह रु.२ लाख ५० हजार, मेडिकल खर्च रु.५० हजार, आवतजावत खाजा खर्च रु.६० हजार, आयोजक टिमलाई ट्राकसुट रुं ७५ हजार र प्रमुख अतिथिलाई मायाको चिनो अतिथि सत्कार खर्च रु.६० हजार रहेको कोशी प्रदेश फुटबल संघका अध्यक्ष किशोर राईले बताए ।
कोशी प्रदेश प्रिमियर लिग गत माघ २८ गतेदेखी फागुन ८ गते सम्म धरान उपमहानगरपालिका १६ स्थित रङ्गशालामा सञ्चालन भएको थियो । सञ्चालित प्रिमियर लिगमा कोशी प्रदेशका ११ प्रदेशका जिल्ला च्याम्पियन क्लबहरूको सहभागिता रहेको थियो ।