झापा । झापाको सदरमुकाम चन्द्रगढी स्थित जिल्ला कारागारका कैदीवन्दीहरु आन्दोलित भएका छन् ।
उनीहरुले कारागारभित्र आगजनी समेत गरेका छन् । कारागारमा रहेका कैदी मनोज लावतीलाई सुनसरीको झुम्का कारागार सरुवा गर्ने निर्णयको विरोधमा कारागारका कैदीवन्दीहरु आन्दोलनमा उत्रिएका हुन् ।
कैदीवन्दीहरुले कारागारभित्र नारावाजी गरिरहेका छन् ।कारागार भित्रबाट धुँवाको मुस्लो उडिरहेको देखिन्छ । भित्रको अवस्था थाहा हुन सकेको छैन । भद्रपुर, मेचीनगर र विर्तामोडको दमकल आगो निभाउने प्रयास गरिरहेको छ । सशस्त्र प्रहरी र नेपाल प्रहरीको ठूलो संख्या कारागार बाहिर तैनाथ गरिएको छ । कैदिबन्दी हरुले ढुङ्गा र इटा जथाभावी प्रहार गरेको र आगजनी समेत भएकोले के कती क्षति भयो भन्ने विवरण आउन बाकी रहेकोछ ।
