ओखलढुंगा । जनता समाजवादी पार्टी, नेपाल (जसापा) को प्रदेश स्तरीय दुई दिने प्रशिक्षण कार्यक्रम आज बाट ओखलढुंगाको सदरमुकाम ओखलढुंगा बाजारमा सुरु भएको छ ।
केन्द्रिय अध्यक्ष उपेन्द्र यादव लगायत शिर्ष नेताहरुले दिने प्रशिक्षण कार्यक्रममा १४ वटै जिल्लाका प्रदेश सदस्यहरु, राष्ट्रिय समितिहरुका पदाधिकारी, जिल्ला अध्यक्षहरु र जनवर्गीय संगठनका प्रमुखहरु सहभागी रहेको प्रदेश अध्यक्ष दिपक याक्खाले बताए ।
जिल्ला समन्वय समितिको सभाहलमा आयोजित कार्यक्रममा आज पहिलो दिन केन्द्रिय अध्यक्ष उपेन्द्र यादवले पार्टीको सैद्धान्तिक र वैचारिक र अवधारणा बारे विशेष प्रशिक्षण दिएका छन् । त्यस्तै बाकी महत्त्वपूर्ण शिर्षकमा अन्य शिर्ष नेताहरूले प्रशिक्षित गराउने कुरा समेत अध्यक्ष याक्खाले दृश्य अनलाइन लाई जानकारी गराए ।
