धरान ,शनिबार धरान रंगशालमा सम्पन्न दुई वटा खेल मध्ये पहिलो खेलमा एभरेष्ट भेट्रान क्लब मोरङका बिरुद्द ४-१ गोलको फराकिलो जित निकाल्दै ईटहरी भेट्रानले अन्तिम आठको स्थान सुरक्षित गर्यो ! यस्तै, दोस्रो खेलमा कटारी टाइगर्स भेट्रान उदयपुर बिरुद्द ४-१ गोलको फराकिलो जित निकाल्दै कन्काइ भेट्रानले अन्तिम आठको स्थान पक्का गर्यो !
इटहरी भेट्रानको जितको लागि दिपेन राईले ब्याक्तिगत तिन गोल र सन्तोष राईले एक गोल गर्दै टिमका लागि फराकिलो जित दर्ता गरे ! एभरेस्टको तर्फबाट शान्त्वना गोल मन्दिप राईले फर्काए ! ह्याट्रिक पुरा गरेका दिपेन नै खेलको म्यान अफ दि म्याच घोसित हुँदै नगद २ हजार एक सय पाए !
यस्तै, दोस्रो खेलमा कन्काइलाई क्वाटरफाइनल पुर्याउन धन बहादुर गुरुङले ब्याक्तिगत दुई गोल गर्दा नन्दु मुरमुर र ज्योति उप्रेतीले ब्याक्तिगत एक-एक गोल गरे ! कटारिका लागि एक मात्र शान्त्वना गोल साज कुमार आलेले गरे ! खेलको म्यान अफ दि म्याच कन्काइका धन बहादुर घोसित हुँदै नगद २ हजार १ सय पाए ! धरान भेट्रान क्ल्बको आयोजना शुक्रबारदेखी सुरु भएको खेलमा आयोजक सहित १२ टिमको सहभागिता रहेको आयोजकले जनाएको छ ! प्रतियोगिताको फाइनल चैत्र ३० गते हुने छ !
