धरानको खानेपानीमा एमालेको योगदान छ : सांसद बस्नेत

धरान । धरानमा पानी पर्याप्त छैन तर, जति उपलब्धता छ त्यसमा नेकपा (एमाले) नेतृत्वको पूर्ववर्ति स्थानीय सरकारको योगदान रहेको कोशी प्रदेश सभा सदस्य रमेशकुमार बस्नेतले बताउनुभयो ।
नेकपा (एमाले) धरान ८ अरुणटोल कमिटीको दोस्रो अधिवेशनलाई सम्बोधन गर्दै धरान उपमहानगरमा एमाले नेतृत्वको सरकार रहेकै समयमा खानेपानी अभाव पुर्तिका लागि स्रोतहरुको पहिचान र पूर्वाधार निर्माणको काम सुरुवात गरि सकिएकाले त्यही स्रोतबाट उपलब्ध पानीले हाल धरानको खानेपानी थेगिरहेको सांसद बस्नेतले बताउनुभयो।

कार्यक्रमका प्रमुख अतिथि बस्नेतले पानी वितरण गर्ने समयमा एमाले स्थानीय सरकारबाट बाहिरिनु परेको र त्यसैको जगमा हालका जनप्रतिनिधिले जस लिने काम गरिरहेको उहाको भनाई छ।
थप अपुग पानीका लागि कोशी प्रदेश सरकारको तर्फबाट विश्वकर्मा मन्दिर मुनिको जंगलमा भूमिगत स्रोतको व्यवस्थापन गरिसकिएको पनि सांसद बस्नेतले बताउनु भयो।
नेकपा (एमाले) कोशी प्रदेस सदस्य समेत रहेका बस्नेतले धरान ८ नम्बर वडा भएर जाने मदन भण्डारी राजमार्ग, कोशी लोकमार्ग र लेउती सुरुङमार्ग सहितका परियोजनाले धरानलाई थप समृद्ध बनाउने उहाले बताउनुभयो ।
कार्यक्रममा नेकपा (एमाले) कोशी प्रदेश सदस्य तथा प्रचार विभाग उपप्रमुख भीमज्वाला राईले धरान ८ स्थित अरुणटोल र दुर्गापथकोबीच बग्ने खहरेमा पुलको व्यवस्था नहुँदा अरुणटोलका बालबालिकाहरु नजिकैको जुनियरपायोनियर स्कुल जान समस्या रहेको बताउनुभयो ।

कार्यक्रमको विशेष अतिथि समेत रहेका राईले भन्नुभयो ,खहरेले धरान ८ लाई विभाजन गर्नुका साथै अरुणटोल र दुर्गापथलाई दुर्गम दार्चुला र धार्चुला बनाइदिएको बताउनुभयो । स्थानीय सरकारको नजरमा नपरेका कारण खहरेले धरानलाई नै कुरुप बनाइरहेको राईको भनाई छ । तीनढ्वाङ्गेले गत वर्षामा एकजनाको ज्याननै लिइसकेकोछ अव खहरेका विभिन्न स्थानहरुमा उचित पूलको व्यवस्था नगर्ने हो भने बालबालिकाहरु दुर्घटनामा पर्नसक्ने जोखिम रहेको उहाले बताउनुभयो ।
अधिवेशनमा धरान ८ नम्बर वडा अध्यक्ष धनबहादुर राईले खहरेमा करिडोर बन्ने काम प्रारम्भ भएपछि करिडोरका बसोबासका स्थानीयको धेरै समस्या समाधान हुने छ उहाले भन्नुभयो ।

उक्त कार्यक्रममा बोन म्यारो क्यान्सर पीडित किशोर लिम्बूलाई उपचार सहयोग गरिएको छ । कार्यक्रममा उपचारका लागि ९ हजार पार्टीका नेताहरुबाट सहयोग संकलन गरि आर्थिक सहयोग गरिएको हो ।
अधिवेशनमा नेकपा एमाले सुनसरी सदस्य तथा वडा इन्चार्ज नारायण सुवेदी, नेकपा एमाले ८ नम्बर वडा अध्यक्ष लक्ष्मण दास लगायतले भनाई राख्नु भएको थियो ।
अधिवेशनले बालिका योञ्जनको अध्यक्षतामा ११ सदस्यीय नयाँ नेतृत्व चयन गरेको छ कमिटीको उपाध्यक्षमा नरमाया लिङ्थेप, सचिवमा पूर्णिमा तामाङ, उपसचिवहरुमा अनु श्रेष्ठ र तारा क्षेत्री रहनु भएको छ ।
त्यस्तै सदस्यहरुमा लक्ष्मी तामाङ, गणेश लिम्बू, फूलकुमारी तामाङ, नन्दबहादुर गुरुङ, विष्णु राई र सरशा लिम्बू चयन हुनु भएको छ ।
बालिका योञ्जनको अध्यक्षतामा भएको कार्यक्रमको सञ्चालन बलिन्द्र बिकले गर्नु भएको थियो ।